ഹാക്കര്‍മാര്‍ക്ക് ചോര്‍ത്താന്‍ ഇന്റര്‍നെറ്റ് കണക്ഷനും വേണ്ട!!
കംപ്യൂട്ടറിലും ലാപ്ടോപ്പുകളിലും മൊബൈല്‍ ഫോണുകളിലും വ്യത്യസ്ത തരം ഡയോഡുകളും കപ്പാസിറ്ററുകളും പ്രോസസറുകളും മറ്റ് അനവധി ചിപ്പ്കളും ഉണ്ടല്ലോ ഇവയാണ് നമ്മള്‍ പറഞ്ഞുവരുന്ന ചാരന്‍മാര്‍!. ഈ ഇലക്ട്രോണിക് ഭാഗങ്ങള്‍ കംപ്യുട്ടറിലും ലാപ്പിലും മറ്റും നാം ചെയ്യുന്ന പ്രവര്‍ത്തനങ്ങള്‍ക്ക് തുല്യമായ ഇലക്ട്രോ മാഗ്നറ്റിക് തരംഗങ്ങള്‍ പുറത്തേക്ക് ഉത്സര്‍ജിക്കുന്നു. ഈ തരംഗങ്ങള്‍ അഥവാ സിഗ്നലുകള്‍ അപഗ്രഥിച്ച് തരംഗത്തേ ഡാറ്റകള്‍ ആക്കി കണ്‍വേര്‍ട്ട് ചെയ്യുന്നതോടെ പാസ് വേഡും മറ്റും ചോരുന്നു. ഉദാഹരണം സഹിതം വ്യക്തമാക്കിയാല്‍
ഇന്റര്‍നെറ്റുമായി കണക്റ്റ് ചെയ്തിട്ടില്ലാത്ത ഒരു കംപ്യൂട്ടറുമായി നിങ്ങള്‍ ഇരിക്കുന്നു തൊട്ട്അപ്പുറത്തെ മുറിയില്‍ ഇന്റര്‍നെറ്റുംമായി കണക്റ്റാത്ത മറ്റൊരു കംപ്യൂട്ടര്‍ അല്ലെങ്കില്‍ സിഗ്നല്‍സിനെ പിടിച്ചെടുക്കാനും തിരിച്ചറിയാനും കണ്‍വേര്‍ട്ട് ചെയ്യാനും കഴിയുന്ന ഒരു ഉപകരണവുമായി ഞാന്‍. നിങ്ങള്‍ അതീവരഹസ്യവും സുപ്രധാനവുമായ വിവരങ്ങള്‍ ടൈപ്പ് ചെയ്ത് കയറ്റുകയാണ് അല്ലെങ്കില്‍ ഒരു സുപ്രധാന ഓഫ് ലൈന്‍ സോഫ്റ്റ് വെയറില്‍ പാസ് വേഡ് അടിച്ച് ലോഗിന്‍ ചെയ്യാന്‍ ശ്രമിക്കുകയാണെന്ന് കരുതുക. നിങ്ങള്‍ ഓരോ കീ, കീബോര്‍ഡില്‍ അമര്‍ത്തുമ്പോഴും കംപ്യൂട്ടറിലെ ഇലക്ട്രോണിക് ഉപകരണം തുല്യമായ തരംഗങ്ങള്‍ പുറപ്പെടുവിക്കുന്നു ഞാന്‍ എന്റെ കയ്യിലെ ഡീകോഡര്‍ വഴി സിഗ്നല്‍സിനെ കണ്‍വേര്‍ട്ട് ചെയ്ത് എടുക്കുന്നു. ഇതാ ഇപ്പോള്‍ ആ വിലപ്പെട്ട വിവരം എന്റെകയ്യില്‍!!
പറയുമ്പോള്‍ വളരെ നിസാരമെന്ന് തോന്നുമെങ്കിലും സംഗതി അത്ര നിസാരമല്ല. നല്ല സാങ്കേതിക പരിജ്ഞാനമുള്ള ഒരു വ്യക്തിക്ക് നിര്‍മ്മിച്ചടുക്കാവുന്നതേയുള്ളു ഈ ഡീകോഡര്‍ എന്നാണ് ഈ ആശയത്തിന് പിന്നിലെ തലകള്‍ പറയുന്നത്. സിഗ്നല്‍സിനെ പിടിച്ചെടുത്ത് കണ്‍വേര്‍ട്ട് ചെയുന്ന ഉപകരണംവും ചോര്‍ത്തപ്പെടേണ്ട വ്യക്തിക്ക സമീപം ഒരു ഇരിപ്പിടവും മതി. ദുര്‍ബലമായ സിഗ്നല്‍സ് വളരെ കുറഞ്ഞ പരിധിയിലെ സഞ്ചരിക്കൂ എന്നതിനാല്‍ വിദൂരങ്ങളില്‍ ഇരുന്ന് ചോര്‍ത്താന്‍ കഴിയില്ല. പിന്നെ പ്രധാന കാര്യം സ്റ്റോര്‍ചെയ്തു വച്ചിരിക്കുന്ന വിവരങ്ങള്‍ ചോര്‍ത്താനും കഴിയില്ല. അപ്പപ്പോള്‍ നടക്കുന്ന റിയല്‍ ടൈം പ്രവര്‍ത്തനങ്ങള്‍ മാത്രമേ കിട്ടുകയുള്ളു. മറ്റു സാധ്യതകള്‍ കണക്കില്‍ എടുത്താല്‍ ഒരു ഔദ്യോഗിക കോണ്‍ഫറന്‍സില്‍ പങ്കെടുക്കുമ്പോള്‍ തൊട്ടടുത്തിരിക്കുന്ന വ്യക്തി ചിലപ്പോള്‍ നമ്മള്‍ ചെയ്യുന്ന പ്രവര്‍ത്തനങ്ങള്‍ ചോര്‍ത്തികൊണ്ടിരിക്കുകയായിരിക്കാം. അതുമല്ലെങ്കില്‍ നമ്മള്‍ ഫ്ലാറ്റ് വാസക്കാരാണെങ്കില്‍ തൊട്ടടുത്ത റൂമിലെയോ മുകളിലെ നിലയിലെയോ താഴെയുള്ള റൂമിലേയോ ആള്‍ക്കാര്‍ നമ്മള്‍ കംപ്യൂട്ടറില്‍ ടൈപ്പുന്നത് ചോര്‍ത്തുകയായിരിക്കാം!!
